COMEDIAN BOVI,DON TELL ONE PASTOR WEY WANT FREE SHOW FROMAM SAY,NOR BE Di PASTOR GO CHOOSE Di SHOW WEY HIM GO DO FREE

Bovi,one of di top comedian for Nigeria,don ansa one pastor wey want make he kon crack joke for hin church for free say,e nor go work.
Bovi say to play free show dey hin blood but naim go use hin hand choose wich show he go pafom free for di oganaizas.
Well sha,I nor know weda di pastor for use anoda style take enta Bovi or Bovi nor just like di way wey dem take yarnam di koko.
But me I be witness of one show wey di bobo pafom for free for Oriental hotel and since dat time,I respet am pass many of our stars wey dia eye shook pass anytin wen he don rish money mata.