If tori wey dey reach our newsroom na anything to follow,naim be say,Charly Boy go dey N50 million naira richer afta Di Federa High Court for Abuja don pass judgement say make Di Nigeria Police Force,Inspector General of Police Mr Ibrahim Idris and Di Komishona of Police Abuja Command pay am di 50 Milla.
If you dey follow up,you go rememba say last year Charly Boy gada him fans go do peaceful 'Resume or Resign protest' for Unity Fountain for Maitama Abuja against President Buhari medical waka waka for almost four months.
But Las Las di Nigeria police use tear gas and big big dogs take chase Charly Boy and him pipo comot for di ground and na dis piriod Charles take faint.
Him lawyer wey carry di Mara for head na Inibehe Effiong.
No comments:
Post a Comment