WIZKID DON BREAK BOTTLE FOR DAMMY KRANE HEAD DIS MORNING FOR QUILOX NITE CLUB BICOS HE ACCUSE WIZKID SAY HE THIEF HIM SONG

E be like say na fight dis miuzishans won take give dis 2016 bad name o.
From Don Jazzy and Olamide,from Davido to Dele Momodu,from Shizzi to Tunde Ednut and now now Dammy Krane and Wizkid.
Few days ago,Dammy Krane go on top twita pour out plenti curse to Wizkid as he accuse di Ojuelegba singa say he tiff een slangs and song.
Altho yestaday di guy apologize to Wizkid on top di same twita.

Dammy Krane wit blood stain dis morning

But yawa gas dis morning as tori wey dey rish our table say Wizzy use Remi Martin bottle take brake Dammy Krane head on top di mata.
Super Eagles playa,Obafemi Martins,naim oganize groove for Club Quilox and many stars show up to join Martins for di groove.
Timaya,Sexy Steel,Tekno,Skuki,2face and oda artiste play enta di groove.
Wizkid drive enta Quilox 4a.m dis morning and as he sight Dammy Krane,naim devil telam say,Wizzy,u nid to live bottle for dis guy head.
Fiftin minutes later naim kasala buss out.
Akordin to how e take appun,na Wizkid start di fight as he live bottle for Dammy head bifor di club bouncerss kon seprate di fight.
Quilox owna,Shina Peller later settle dem why some dey even say na 2face naim settle dem.