BRANAMA QUEEN,KEFEE DON COLAPSE FOR INSIDE PLANE FOR AMERICA BUT SHE DEY OK NOW

Di rumors wey dey go round for evri wia now,bi say,Kefee dat fine babee wey sing Branama and Kokoroko,Don kolaps for inside plane as she dey travel go Chicago for America.
Di Sapele water singa,Kefee, neva rich wia she dey go b4 di pilot kon stop for carlifonia make dem for fit carry her go hospita.
Di tori now bi say,di sikness dey veri sirios as pipo say na brain problem naim she get.
But make e no bi like say i dey spread rumors wey I no know weda na true,naim I kon call her phone weda she go pick.but na one guy wey say he name na Kevin naim pick di col.
He tell me say,Kefee travel out of di kontri wit her husband.
Naim i kon askam say,wetin dey do am bicos I dey hia some kain rumors wey no sweet mi for ears.di bobo kon tell me say,na true say she get some problem b4 but she don dey veri ok now.
We pray by God grace say na so e go be.
Kefee don win many award for di miuzik wey she dey play.she just bring one new miuzik come out last week wey she call "Dem go talk"

Kefee and Teddy Don Momoh marry for 2012 and na two of dem naim go one skul wey dem dey call,Chicago Access Network for America last year wia dem for  len how to direct and do koret vidio.na April last month dem come bak togeda from America as dem finish for di skul.