Di kpalava bitwin 2face and Blackface neva show sign of slowing down as 2face lawyer don serve Blackface warning paper say dem go carry am go court if he no tell 2face sorry for di bad bad tings wey him don dey yarn about am.
If you rememba,Blackface yarn some few weeks ago say 2face and him manager don tiff him song 'Let somebody love you' again he tiff di first one 'Africa Queen'.
Di same song wey 2face take hama.
Now 2face camp don giv Blackface 7 days to say 'sorry' or else,two of dem go enta di same shokoto for court.
Dis ting don dey pass be kiafu o.
Una start as frends so make una try settle unasef bicos,2pac and Biggie famili still dey miss dem till today.
We nor won hia tori.
No comments:
Post a Comment