FORMA PRESIDO OBASANJO,DON YARN SAY,NA 12 TIMES BAD BELLE PIPO CARRY RUMOR SAY HIM DON DIE AND ANYBODi WEY DEY WISH BUHARI DEATH NA WICKED PESIN

Obasanjo a.k.a Obj,don yarn tori pipo say na about 12 times bad belle pipo carry rumor say him don kpeme so nor be new tin.
He yarn dis one just bicos some pipo dey carry rumor say Buhari don kpai.
Akordin to OBJ,he say instead of dat kain wish,e beta make pipo dey pray for Buhari bodi to dey kamkpe so dat he go fit come back strong and rule well.
Obj also yarn say na wicked pipo go dey wish anoda man death.
If u rememba,since Buhari go London two weeks ago for holiday,rumors enta town say di man don kpai for yonda.
We nor know wetin to biliv again as some say he dey alive and Dem Siam dey play table tennis wit Queen Elizabeth for London last week.